翻版...張柏芝

 轉載 : 來自明報 (丐幫)換新血!!

 

社民連領導層突然出現「翻版張栢芝」（中），

            在一 眾「幫員」中特別矚目。

社民連有個「張栢芝」 領導層唯一女將

(明報)2010年2月1日 星期一 05:05

【明報專訊】噚日「丐幫」社民連選新幫主，由陶君行  接毓民捧做主席。不過講到最矚目嘅，都唔係呢個新幫主，而係社民連領導層唯一

一個女將，外表嬌滴滴，講嘢陰聲細氣、

有「翻版張栢芝」之稱嘅林采薇。

外表嬌滴滴 曾衝擊中聯辦    

「翻版栢芝」真名叫林采薇，芳齡25歲，喺美國    印第安那大學修讀通識教育文憑，宜家做緊市場營業代表。雖然佢弱質纖纖，但上次元旦大遊行嗰陣，佢就同社民連曾健成一齊衝擊中聯辦，噚日仲笑笑口話嗰次係佢咁大個女第一次咁激，宜家加入社民連都係因為理念相近，希望學吓阿牛同毓民咁，為香港做啲嘢喎！

「翻版栢芝」宜家擔任社民連行政委員會成員，不過Emily就覺得應該推佢出去參選，應該吸到唔少男選民嘅選票呀！假以時日練返一身好功夫，話唔埋可以學黃蓉做埋「丐幫」女幫主 ！