往事祗能回味!!

 

每年都有老婦.老翁,慘遭車禍被輾斃,目不忍睹,

老人家已經風燭殘年,仍然要拾荒(紙盒.鋁罐),

並不是求富貴,只想得到溫飽渡晚年,為何各位

高官冇眼睇呢? 社工有沒有跟進呢?

我每次看見以上的同輩老人家,即時回憶我的

童年慘況,現在我須然兩餐溫飽,仍希望伸出援手,

盡點綿力,怎樣才可以幫助他們呢?那些機構呢?

晚 霞、

 

伯爺婆: 喂! 喂! 你未攞遮呀!路滑咪走咁快呀!

伯爺公: 我放工番嚟啦,妳睇我隻手重留緊血呀!

伯爺婆: 唉! 無膠布.紅綠水,無止血散,用布包喇!

伯爺公: 返到公司,橫風橫雨,俾地下D玻璃刮傷,

伯爺婆: 八號風球,要返工嗎?

伯爺公: 梗要返啦,唔食飯呀!  起身呀!  起身喇!

伯爺婆: 唏!! 咪嘈啦!  我同你成日發開口夢!!

伯爺公: 原來係發夢咋! 成日以為我哋係30歲添!

回流返香港定居、為什麼???

如果要我講真心話, 居住及日常生活,就是(深圳)好,

關於老人家接受醫療及來往交通,就是(香港)方便,

今年三月二日,在港再次跌倒,入去北區醫院留醫,

照過X光,醫生說 : 右邊"鼓骨鎚"拆裂,造上釘手術,

10/3.轉往大埔醫院,老人復康治療,經過 42 天養傷,

就要出院回家,以上是我"老伴"的不幸,

[大蕃薯]每日往返中港兩地,任勞任怨,照顧"老伴",

她要坐輪椅代步,加上患有12年"糖尿病",要定期

覆診配藥,又要骨科每月覆診檢查, 唉! 思前想後,

經過父子相談,一番考慮清楚,決定返香港定居喇!

俗語云 : 遠親不如近鄰,睦鄰最重要!!

經過四個星期的煩憂, 皆因好友的幫忙, 為我加入..(防毒軟件), 事隔

兩天打開網誌, 不能正常操作, 我不敢詢問好友原因, 祗好搵電腦技

師維修, 犀利喇!! 上門交通費 $150. 檢查維修費 $200. 將部電腦主機,

煎皮拆骨,搗足三小時, 才對我講, 呢部電腦起碼用咗六. 七年, 又係

翻版貨, 冇得醫, 建議我換一部(全新)主機, 佢有現貨, $2000. 保用一年,

我心大心細, 冇答應, 佢就收拾工具, 電腦唔可以寫網誌, 咁就找數

  
$350. 跟住....(送客)

 

今日出門遇見鄰居一位青年, 照例點頭打個招呼, 在路上談話, 有講

有笑, 提到關於電腦一事, 他可能了解困難所在, 便說晚飯後替我檢查

電腦, 唏!! [大蕃薯] 出門遇貴人啦! 青年人到來, 首先問我, 呢部電腦

係唔係翻版, 因為青年人想從頭裝設, 我話唔知是否翻版, 係兒子給

我的舊電腦, 就算搗毀了, 請不要自責, 我都準備換電腦, 他明白意思,

就開始一一細心檢查, 啊!! 哈哈!! 發覺已經正常開啟啦!! 連聲感謝!!

青年人解釋....我的電腦裝置(防毒軟件), 將一些設定刪除, 現在上網

恢復正常啦,   [大蕃薯] 睦鄰遇上好心人, 再說 : "我要笑著活下去",

  

  (註明 : 我已經回流返港定居, 各位老友記多多指導,)