現代童年多幸福!!
合益雜貨店是我在社會謀生的, 第一份有薪金的職業,
每日7:00am至9:00pm, 工作不算太辛苦, 要煮飯, 送貨,
破柴賣, 到倉庫搬貨, 白米買10斤以上, 就要送貨, 多數
跟隨買主送回家, 亦有留下地址稍後送去, 小心倒入載
白米鐵罐, 一不小心倒瀉少少, 被駡盲仔.蠢材, 要投訴,
阿媽買一對(馮強牌)藍布膠鞋, 呌我每日穿著去送貨,
因為我10年未曾穿鞋喇! 唔習慣, 只好繼續赤腳行走,
多謝媽媽對兒子的關懷好意, 講到兩餐煮餸菜, 冇經驗,
有時太咸,有時淡, 喺初二.十六做[禡], 有機會跟(就哥)
偷師...[學 嘢]啦!! (稍後會繼續)
雜貨店工作有食宿,
回想1948年我已17歲喇! 母兄的收入, 僅夠自己生活,
我剛由龍崗鎮返回香港, 看見母親租住一床位, 胞兄
在(酒店宿舍)住, 我要解決食住問題, 有雜貨店請打什
兼送貨, 潮州老闆見我黑黑實實, 又骨瘦如柴, 唔願聘請,
母親要求下, 老闆吩咐我托起一包麵粉(25斤), 我馬上照
做再行幾步, 就答應請我喇!! 老闆話: 明早七點返工, 會
有伙伴教我做嘢, 每月薪金30蛟, 講明包食宿冇假期, 第
一日返工, 呌聲老闆早晨, 一位(就哥)帶我去行街, 原來
要我認識附近的街道, 送貨時要快去怏返, 合益雜貨店
在結志街, 要送貨啦, 白米10斤.10斤柴, 跟住主婦行,
(稍後會繼續)
上山落山要留神,
高坡低坡亦小心!!
精神爽利向前行
步步留神上山坡
18/11. 早上8:30長者中心集合, 9:15旅遊巴士開往新界
大欖懲教所路口, 中心姑娘辦理借路上山登記手續,
我們一行有五十六名, 其中有長者五十名, 浩浩蕩蕩向前行,
談笑風生, 互相照顧, 行足兩小時, 中途有小休, 終點掃竿笏,
已經是中午12:15, 回程九龍灣, 有旅遊巴士接返, 各自午飯喇!!
白髮稀疏念弟郎,
黃昏未晚會兄長!!
{兄弟喜重逢}雙認無悞, 經過互相問好, 細佬已經
三代同堂, 生活安穩, 為兄稍感歡欣, 這幾天聯絡
兄嫂.姪兒等人, 茶聚樂天倫, 經過數十年的分隔,
細佬在五十年代, 生活艱苦, 無法互相照顧, 居無
定所, 因為多次遷居, 遺失了兄長的電話及地址,
加上每日為口奔馳, 就此一年復一年, 光陰飛逝,
細佬經常有思念兄長, 可惜找尋無門路, 有一次
在無線電視看見一名老人, 好似係我, 姓名一樣,
細佬好想去電視台查詢, 細佬知道有"私忍權"就
放棄喇!! 上天憐憫我, 始終能夠重相聚, 感謝蒼天!
我曾經接受一位網絡"粉絲"推介, 嘗試要求[香港紅十字會]
尋人服務, 可能比較登報找尋更有希望, 我亦看見電視台播放
尋人事跡,鼓起勇氣發出一[電郵], 講明我與細佬"華仔"失散
五十年的慘痛, 朝思暮想希望有生之年,能夠達成 兄弟之親,
骨肉之情, 果然收到回應[香港紅十字會]一位"林小姐"會接受
我請求,經過四十五天之後, 早上接到來電, 萬分喜悅,"林小姐"
告訴我, 已經找尋到一名"華仔"跟我所說的, 現在年歲.藉貫,
高度相貌, 非常似, 應該約見互相交談往事, 可以直此見臉確認,
下午三點鐘, 我準時到達[香港紅十字會], 一名男子進來, 第一聲
呌我"四哥", 感覺他對我的稱呼是無錯, 我倆坐下來, 細述往事,
由[香港紅十字會] "林小姐" "宋小姐"兩位陪伴見證, 我倆......
{兄弟喜重逢}, 拍照留念, 叩謝兩位小姐的幫助, "林小姐"說:
還有義工在幕後支持的, [大蕃薯]與胞弟, 感謝 關懷支持的
[助人為快樂之本] 祝福 健康快樂!
