人之初,性本善,勤有功,戲無益,玉不啄,不成器,人不學,不知理,
我五歲童年時, 父親開始教讀"紅皮書"三字經, 記憶猶新,
1950年時代,香港搵食艱難,有學識難求高職,有勞力易搵食,
我小學三年級都未讀完,香港就開始戰亂,都算係生不逢時,
苦難過後,投身社會,低下工作適合我做,例如: 什貨店送貨,
紗廠搬運,印刷學徒,大牌檔什工,洋貨小販,最後是飲食業
合夥人,仍然要親力親為,返工早.收工遲,已經習慣成自然,
記住 父親的金句: [路]是人行出來的, [鐵]係可以練成[鋼],
(以上的影印,係記憶電腦打字,用"速半"英文頭尾碼)
(已經抄錄八張紙,還有一本"標準倉頡手冊"精裝版)
各位老友記: 聞說...人老就[精], 鬼老就[靈], 我話未必!!
我已經 76 歲, 都算係一名老人家, 退休後移居回祖國
的懷抱, 經過 7 年居留, 自己身歷其境, 曾被偷.搶.扒.騙,
及所見所聞, 真係信不信由你, [偷] 就係一間快餐店,被
取走 一袋貴重西藥, 我去買餐券取食物, "老伴"沒留意,
[搶] 就係在公路旁, 一部小汽車停在我身邊, 跟我打招呼,
手上揸住(地圖), 向我問路, 我就好心弯腰睇(地圖),誰知
一手將我的金頸鏈拉斷, 不夠五杪鐘, 汽車快速駛去, 我
連"車牌"都看不清楚, [扒] 就係在小巴座位, 中途停站,
有三名男子上車, 分開左右坐下, 另一名陪我坐右側, 我
已經提高警覺, 果然向我下手, 用刀片割右便褲袋, 我的
褲袋沒有人民幣, 祗好任由他割, 不敢揚聲呌喊, 因為有
三人一齊上車, 可能是同伙, 如果大聲呌駡, 他們下車前,
我肯定被痛打, 或是身體被剌重傷, [騙] 在攤檔買 40 蚊
物品, 因為沒有散紙, 給他 100 蚊找錢, 他接到手裡, 就
摸吓.照吓.擦吓, 跟住就話: 阿伯你呢張紙幣是假的, 最
好就換一張俾我, 唔換就報警, 告你行駛假銀紙, 因為
人多圍觀, 我只好另給 100 蚊, 找回 60 蚊, 我便離開該
攤檔, 行到去巴士站, 一男子對我說: 阿伯剛才你收回
的 60 元, 嗰張 50 元都是假的, 老人家你受騙喇!!
我馬上回頭去找他算帳, 該攤檔由一女子睇檔, 那男子
已經"駕鶴歸西", 唉!! 買 40 蚊物品, 被騙去 150 蚊, 慘!!
想當年呼風喚雨,
到今朝淪落街頭!!
四個月前,溫總理在北川中學的黑板上寫下,"多難興邦"時,
甘肅省據報,已有一名男嬰,因飲用三鹿奶粉死亡,中國政府
在汶川地震中,創下的快速,公開應急範例,卻未能在(問題
奶粉)事件前期得到延續,在6月初 僅南京一家醫院收治的
[結石]寶寶,已多達數十人, 7月在長沙醫治的患兒家屬,來自
株州瞿先生,向國家質檢總局投訴後,獲知三鹿奶粉的檢測,
報告為"合格", 但是病例不斷見諸報章,真相卻撲朔迷離,
9月 11 日信息封鎖瀕臨(決堤),內地終於有媒體把持不住,
點名 "三鹿"集團,而持有該公司四成多股份的新西蘭公司,
也已向中國方面通報產品問題, 當天"三鹿"集團的說辭,
一日三改變, 早上稱....(沒有證據證明"三鹿奶粉"有問題,)
下午說 : ............(大約有 700 噸奶粉受到污染,) 晚上又指
........(不法奶農向鮮牛奶中攙入"三聚氰胺"), 所在地石家
莊政府次日, 堅持"三鹿"最後說法, 只是悄然將(不法奶農),
改為"不法分子", 而北京方面則提醒媒體, 要以"衛生部"及
質檢總局發佈為準, 不要轉引地方說法, 或所謂專家意見,
在這些現象的後面, 眾官商搶奪話語權, 幕後操作又見端倪,
中央政令不輰, 亦隱約可見, 其後,中央電視台 9月16日晚上,
拋出重磅炸彈, 將 2 2家乳業巨頭一舉曝光, 那一夜官方喉
舌三易其稿, 各大報紙空版以待, 次日"煙台日報", 卻登出
並不(以此為準), 在刊印"黑名單"時, 斗膽過濾掉兩家煙台
市企業,
在此次公共衛生危機事件中, 中國製造業, 乃至整個社會,
體系的弊病, 集中暴露, 造假,攙假大行其道, 即使中央下了
(猛藥), "世界工廠"恐怕也將(病去如抽絲),
中國出口行業今後的處境, 將更加雪上加霜,有關各方試圖
低調處理, 更是大大損害了, 北京奧運的形象收益, 以至有
"辛辛苦苦大半年, 一下回到奧運前"之說,
胡錦濤 9月19日鄭重指出, 對事件及其後果的嚴重性,必須
充分估計, 對其中的慘痛教訓, 必須牢牢記取,
胡.溫 執政以來, 一再倡導和諧社會, 以民為本, 但突發事件,
不絕如縷, 公共監督, 資訊公開, 打擊官商勾結, 強化執法等,
<<<<<翻譯自(明報)23/9>>>>>
(炒冷飯)
富豪難忍半日餓,
貧户未必一世窮!!
想當年, 1972年股票日日升, 有人投機買賣成暴富,
每日三餐在酒樓, 夜夜笙歌是常客, 吩咐樓面部長,
隔日先訂; "菜胆炖鮑翅", "田七汽窩雞","花膠炖
雙鴒", "人参炖烏雞", "蟲草炖水鴨", "官燕炖雪蛤",
以上各款補身燉品, 全部當係飲(例湯), 唉! 一朝富貴,
不可一世, 目前得意, 唔算奢侈, 祗係 [招積] D咋!!
1974年股市大風暴嚟喇!! 一日狂瀉1700點, 問你怕未,
富豪受沉重打擊, 鴉雀無聲, 細户股票客, 有商號老闆,
有中產打工皇帝, 有家庭主婦, 亦有單身貴族, 全部都
變成"大閘蟹", 昔日餐餐(魚翅撈飯), 而家食(三寶飯),
最慘重有人輸埋條命, 富豪可以東山再起, 因為難船
都有三斤釘, 普羅大眾就冇咁幸運, 有幸我算安分!!
祝賀 中秋節快樂, 胞兄二哥陪伴我.................[大蕃薯]
一年容易又中秋, 思鄉情懷在心頭!
今年中秋佳節,預約長者中心好友,長州一天旅遊,
早上9:00在中環離島碼頭集合,同行八位老人家,
在渡輪開行時,一名"銘叔"對我們說:冇帶身分證,
當時有人提議他回程返家,如查證,免令大家掃興,
[大蕃薯]曾經遇上警察,在巴士查身分證,一位婆婆
不能出示,心慌慌的忘說:警察唔好拉我,呢張係我
的長者咭,警察睇完就話:妳長者咭有身分證號碼,
袋好啦! 冇事喇!
我即刻想起,就問"銘叔"有帶長者咭嗎?他說有帶,
攞出嚟睇啦! 啊! 原來72歲,可以臨時代替身分證,
唔駛驚可以繼續行程,未知何時取消登入身分證
的號碼, 聞道...."保障個人私穩",以後要留意喇!!
紅事喜,白事哀!!
香港四年一度, [立法會]議員選舉, 已是塵埃落定,
有幾位"陳皮"議員, 黯然離場[出局], 本來薑老辣,
現在換上幾位新人, 亦有兩位重返"娘家" 睇吓點?
我雖然無條件投票, 都係喜歡(長毛), 一分鐘離場,
而家多咗一個(名咀), 雙劍合壁, 議會開始, 一個揸
道具, 大聲嗌: "反對一黨尊政", 另一個(名咀)拿手
推吓副眼鏡, 跟住手指指閙政府無能, 主席點化解?
祗好請佢哋離開囉, 呢份工咁好做, 好過[任一招]呀!!
=========================================
想當年, 嫁娶大喜紅事, 家門高掛一對大紅燈籠, 寫
上姓氏同雙喜, 擇好吉時出門接"新娘", 當年"華人"
聚居在, 中.上環,西營盤,石塘咀,一帶, 男女襯家好
相近, 接"新娘"用八人抬大紅花轎, 一對大紅燈籠,
由工人托住慢慢行, 跟住就係...紅袍八音吹奏打鼓,
兩担禮盒, 媒婆跟花轎一齊行, 花轎之後係銀樂隊,
人數多少隨意, 迎接"新娘"沿途路線, 巡遊要申請,
路上兩旁眾人參觀, 非常熱鬧, 到咗"夫家", 唔使
多講, 粵語長片有得睇, 昨日勝出者, 好似新郎哥!!
___________________________________________
想當年,奔喪白事非常困難, 沒有殯儀館, 由長生店
代辦, 富貴家庭, 要在家中大殮, 首先在騎樓搭建
竹棚, 再加建竹排臨時樓梯, 直落地下, (如果四樓)
以上, 要加建[之]字竹排樓梯, 開始棺木抬落樓, 要
忤工六名, 兩名在後, 四名在前倒後慢慢落, 眼睛
向上望, 揸穏扶手, 後面一名用左膊抬, 左手揸穏
一條(棺材槓), 右手扶住欄杆, 另一名要左右反方
向, 眼睛向下望, 到咗地下, 棺材要從新包裝, 十二
名忤工, 四名後備要拿棺材櫈, 準備擺路祭, 兒孫
孝子眾多, 要用長長白布, 在兩旁遮住, 開始出殯,
行程好似以上, 由 [紅] 變 [白], 像昨日的事.....慘!!
擇日再續,
想當年,貧與富??
[昨天的你,是今天的我,] 曾經富貴的, 現在變貧窮??,
為什麼呢?? 想當年國內改革"共產", 有達官貴人,
怕被秋後算帳, 帶領家屬慌忙逃生, 大量金銀珠寶,
腰纏萬貫, 很多都是貪官污吏, 來到香港人地生疏,
很多是北方外省人, 言語溝通困難, 集中住在"北角",
所以在六十年代, 小上海就是"北角", 往東行就是
"七姊妹", 有一間戰前難民營, 戰後改為領取"居民
身分證"地方, 以後用作"政府物料"貨倉, 直到七十
年代, 改建一個小公園, 即是現在(健威花園)對面, 又
是(香港電車廠)舊址, 再向東行, 鰂魚涌有麗池夜總會,
當年逃亡來港, 有外省富貴人家, 念念不忘, 花天酒地,
回想在國內, 夜夜笙歌, 盡享杯酒作樂, 因為腰纏萬貫,
當年...中環.藍天夜總會, 灣仔.杜老誌夜總會, 銅鑼灣.
碧雲天夜總會, 北角.雲華酒樓夜總會, 麗池夜總會,等
用之不竭, 不務正業, 夢想快速.(反攻大陸), 重張旗鼓,
可惜一日復一日, 一年望一年, 拾年過去, 再等二十年,
已經床頭金盡, 年歲不留人, 漸露銀髮, 臉容憔悴, 有些
會令到夫妻分離, 兒女不顧而去, 如此晚年, 目不忍睹,
戰亂艱苦, 貧窮捱餓, 勇敢活下去, 總比"先甜後苦"慘!!
聲明: (我無意挖苦一些富貴人, 祗是實話實說, 請諒!!)
擇日再續,
想當年, 戰爭苦!!
1948年返回香港, 1949年成立"中華人民共和國",
新中國誕生, 1950年香港要申領"居民身分證", 顏色有
藍,綠,黃,三款, 用硬紙張對摺, 成5R照片大細, 寫上個人
資料及住址, 用雞眼釘住, 一張半身近照相, 1951年禁止
自由出入(中.港)兩地, 1952年發生大量人民來港, 做成
所謂"逃亡潮", 當時住所有限, 苦無棲身之地, 祗好自建
簡陋木屋居住, 隨處可見..海旁.山邊.山頂, 到處都是呌
"木屋區", 看見他們的生活, 無水.無電.無厠所, 他們每
日要落山担水, 找工作困難, 只有做..泥工,修路,小販等,
遇有相識同鄉親屬, 可以介紹做工廠, 如果略懂機器運作,
可以自設(山寨工廠), 即是(小型加工場), 真佩服克苦耐勞,
亦有解散(國民黨)軍民家眷, 來港等候(台灣)收容, 被迫
棲身在各間醫院空地暫住, 後來香港政府接載去"吊頸嶺"
即....(調景嶺), 建屋定居, 但是交通不便, 出外做工困難,
依靠(台灣)滙款"救濟金"生活, 有些遺失證件的全家人,
只好流落街角, 要等候調查證明確實, 才可以安置, 等候
期間, 身邊可能金錢有限, 傷兵去求乞, 健全者就拾取地
下煙頭, 拆散再捲成香煙, 散裝出售, 小孩去冰室買麵包皮,
以上就是...."戰爭後遺症", 富貴家庭逃難又如何?????
明天再續,
