懷舊!! 懷舊!!

上圖係....1940年代,"四環更練館"(即係上,中,下,西環),最多

華人聚居地方,英國為要(以華管華)政策,便在上環

太平山街設置"四環更練館"(訓練華人警察),佩備有一枝

棍,沒有手槍,頭戴尖頂竹織帽,綠色警服一套,配腰帶,

束褲腳,穿布鞋,如果當夜班,手楂一盞油燈,有唱民謠,

  
( 嘻!嘻!嘻! 大頭綠衣, 捉唔倒賊, 為有吹...B B B,)

 

"四環更練館"現已改建為"新會商會學校,正門對面係

花園仔(卜公花園),落斜坡係四方街,左邊石階上必烈

啫士街"基督教青年會",上斜坡右轉普慶坊,直上有

一間劏死屍房,(即係瘟疫細菌化驗所,) 又可以通往(堅道),

   
   (稍候繼續講往事)

 

 
此圖片特別送給....."超 伯"欣賞留念,

以前係 荷里活道尾, 近普仁街對面, 名呌(大笪地),

內有各行各業, 例如 :有理髲室, 照相舘, 跌打醫舘,

 江湖賣藝, 占 卜 星 相, 代寫書信包有回音,唔駛慌!!

**********************************************************************************************

好消息!!   各位網友, 今日閱覽(明報), 知悉由1/9起

至30/9. 在中環交易廣場..."中央大廳", 展出120年前,

直到現在..."流金歲月, 百年變遷", 改變中環展覽,

**************************************************************

 

晚年喜歡講往事,

<一位網友 ( andy ) 希望清楚了解,當年西營盤水街的"西園戲院"位置>

上圖係西營盤水街,向下走係皇后大道西,上面係

一條斜坡,第二街有一座新建築物,再上第三街口,

就係"西園戲院",(戰後已經拆卸改建),再上去斜路有間

"聖類斯中學",每日返工必經之路,我在H.K.U.做

學生飯堂(侍應生),上班時間 8:00---6:00, 晚間去

堅道"余道生學校",接受訓練,係"民眾安全服務隊,

簡稱...C.A.S.每晚兩小時,課程有(搶救,救傷,救人),

 

介紹舊相片係"中環郵政總局",(現在係環球大廈),右面

係"於仁行"(現在係遮打大廈),正門對面係"香港大酒店",

(現在係置地廣場),中間條電車路,初期係無雙層電車嘅!!

  (稍候繼續講往事)

晚年喜歡講往事、

在荷里活道,經過"大笪地",落去皇后大道西,

上圖左面行人路旁,地攤擺滿(故衣,什物),都

是每戶家庭的貴重衣物,祗求賣出換取糧食,

當年有"巡城馬"(水客),買回來帶返鄉鎮變賣,

利潤非常豐厚,可惜亦有風險,沿途路上有土匪,

也會遇到偽裝日兵,(水客)的貨物就很難保存啦!

一班"巡城馬",唯有想辦法自保,由四名難民先

行探路,如無風險,就向前行,否則要躲起暫避,

圖中前面係文咸東街,再前行係德輔道中,香港

淪陷時期,呢間"梁國英药局",每日擠滿市民,購

買應急药品,每人限買(萬金油)一盒,真悽慘 喇!

( 註明: 右面係禧利街,   左邊係孖沙街, )

(稍候繼續講往事)

晚年喜歡講往事、

上圖係皇后大道中,六十五年前,日佔香港期間,

馬路無汽車行駛,來往行人稀疏,樓房很多空置,

晚上便要關門閉戶,四處聽聞搶劫,到處救命聲,

向前轉彎,就係中央戲院,一年之後,有勢力人仕,

在該戲院開設"娛樂場",(番灘) (牌九)娛樂昇平,

皇后大道中,過咗樓梯街,西行就到"上環街市",

再前往水坑口,有三檔地攤,專賣酒家殘餘餸菜,

有財有勢客人,食剩的雞,鵝,鴨,同魚,蝦,蟹(雜碎),

窮困飢民,去買一蚊(軍票)什碎,有半湯碗,全家食幾餐!!!

晚年喜歡講往事,

[大蕃薯]在日治香港時代,奉父母之安排,晨早去

上環舊街市,(即現在西港城)配給食米生油,要憑糧票

每人六兩四食米,尚未天亮,人龍已經去到南北行

(即係永樂街)上圖左面係現在的西港城,右面轉入靠

左就是永樂街,早上八點鐘,日兵出嚟維持秩序,

人群開始一片混亂日兵不管怎樣,您未能插入排隊,

就把您拉出來,用手捉著後頸,向前掃腳,成個人就

撻落地下,跟住就拉著衭頭,半拖半拉擲落海面,(以前

電車路就是海邊), 其他日兵在岸邊守著,不准上岸, 慘喇!

許多人被監生浸死,因為我係小童,大人唔會蝦我!!

和平之後,許多街道都沒有(紅綠燈),呢位"交警"

.
就威過..威士忌酒啦!!我們稱呼他係"四路總指揮",

(稍候繼續講往事)

 

  

晚年喜歡講往事 ,

昔日的香爐峰, 就是今日的香港,

香港大學,初期出入口,在般咸道

薄扶林道交界,正中低座行政樓,

左翼係學生會,右邊係學生飯堂,

行政樓對面二樓係"陸佑堂",

右邊最後面係"教授休息室",

還有一間 "大學女生休息室",

因為在一九五八年 至 一九六一年, [大蕃薯]受聘侍者一職,

(稍候繼續講往事)