今天回憶香港島,中.西區新舊建築物,(如有錯誤佈導,)
<<<<<<<<<<敬請體諒!!>>>>>>>>>>
西半山.般咸道.44--46號,興建於1913年,是"余仁生"
創辦人 余廣先生的長子 余東璇物業,由1827-1941年,
現在重建後,成為一座私家{豫 苑},
上環 必烈啫士街, (又名: 3 0 間) "中華基督教青年會",
建築日期 1918 年落成,左面(水池巷),右面(樓梯街),
中環 鴨巴甸街(斜路).荷里活道(交界),係中區警察宿舍,
現在{特首}曾經在這裡居住長大,(可能保留作為文物古蹟),
西謍盤.德輔道西,左上係西邊街,一座古老"警局",
西謍盤警署,(又名; 七號差舘),應該保留嗎?,"政府決定",
上環 荷里活道,"文武廟",(後面是"東華三院小學,在樓梯街口,)
{大蕃薯}居住四方街,就讀"東華三院義學",小三班,
上環 普慶坊,左轉上係 堅巷,有一所"疫病化驗室",
中環 金龍酒樓,在永樂街,德輔道中(交界),現在已改建
成為,"高級商業大廈,酒樓左側係永勝街(鴨蛋街)已消失?
上環 樓梯街,右轉入四方街,左面係文武廟,直上係
"中華基督教青年會",直落係嚒囉上/下街,遊客區,
*********************************************************
擔凳仔，排頭位
回覆刪除[版主回覆10/14/2009 09:52:00]大路哥哥 早晨!
排頭位 可以早啲睇,係熟客,四人飲茶
吩咐夥記計壹位, {大蕃薯}歡迎再光臨!
潘叔: 以上資料好珍貴
回覆刪除幸好有部份建築物已經受到保護.
[版主回覆10/14/2009 10:51:00] 老 jack 早晨!
我感覺香港政府,是選擇性保留古蹟,有些大細(超)??
例如: 警察宿舍,只有五十餘年,因為紀念[特首]父母嗎??
幾十年後，棵樹大咗好多呀。
回覆刪除[版主回覆10/14/2009 14:09:00]幾十年後, {大蕃薯}就老咗好多,
睇真啲棵樹唔係大好多, 祗係
遠近同角度有啲唔同啫!! 對嗎!!
大蕃薯 兄
回覆刪除太心急了。圖片太多。超伯一時未能全部消化。
四方街兒時憶舊。
當年彷林學校。設在四方街。
超伯曾受戒方之苦。
超伯網頁已回復正常了。
hohoyan已作備用。
[版主回覆10/14/2009 21:18:00]超伯 您好!
香港中.西區新舊圖片,只有八幅,
唔算太多,每日睇兩幅喇!自開辦
"東華三院義學小學部",彷林結束喇!
大蕃薯前輩
回覆刪除新舊並列，圖文並茂 謝謝精心篇排
天氣漸氵京，保重
對比之下.人和事已經改變不少! 唯獨是蕃薯叔叔對歷史有一份情懷.! 繼續努力搵多d 照片畀我地睇!
回覆刪除[版主回覆10/14/2009 21:00:00]HoneyB 您好!
有大家支持,我會努力寫多啲!!
多謝前輩分享這些圖片。我在必烈啫士街長大，在附近小學讀書，更常去卜公花園玩，同學住在四方街、太平山街、士丹頓街一帶。嫲嫲叫這裡卅間。余東璇古堡的照片更珍貴。可惜沒有大笪地的照片。小時常去飲茶。
回覆刪除[版主回覆10/14/2009 20:56:00]原來您都是舊街坊,對於"中華基督教青年會"一帶,
非常熟識,士丹頓街有一間"牛記冰室"同"士丹頓冰室",
"牛記"搬遷往歌賦街口,大笪地以前有一間"經濟飯店",
現在已經改建成"荷里活公園",以上我的介紹清楚嗎??
Montrekker 您好! 如有閑暇,請瀏覽我的(童年篇)多謝!
M & M 您好!
回覆刪除感謝您 對老人家的關懷, 有大家支持,共同分享,我會努力!
(未能在您的回應版....回覆您, 抱歉!!)
大蕃薯
回覆刪除您所講架地方，我真係覺得好陌生，因為我好少去港島區架！不過聽您介紹都覺得好新奇，因為變化好大
[版主回覆10/15/2009 21:42:00]潔沁
您對港島地方不太認識,就要多多捧場啦!
稍後我會回憶九龍.新界各區新舊改變, 請留意!!
小時候,我都聽說這一帶叫"卅間"~點解？
回覆刪除[版主回覆10/15/2009 22:01:00]andy 您好!
香港開埠初期,廣東農耕失收,年青人都來香港找尋工作,
華人聚居在上環一帶,當時很多地方都沒有街名,所以
居民自建簡陋房屋,有三十間,就改名卅間,
我喺中環做咗好多年野，行盡同食盡中上環，有判頭嚟出糧，好多時都請我哋去金龍酒樓食晏，芋頭雞煲 同 大馬站豆腐煲 就最出名！又有去畢街食粥.......... 以下呢間公利真料竹蔗水，記得嗎！？ http://www.pbase.com/hpicckcy/image/75265448
回覆刪除[版主回覆10/15/2009 22:10:00]solarman 您好!
公利真料竹蔗水,是否在威靈頓街,或是結志街,忘記了!!
豫園嘛, 我好彩佢未拆之前我有機會經過幾次, 真係好靚嫁, 靚過晒新起 d 豪宅呀. 無法啦, 可能維修費太貴, 又或者賣地起豪宅太好賺.
回覆刪除依家金龍酒樓既現址, 成十年前有間金龍船酒樓, 不過而家轉左路, 變左第二間酒樓.
回覆刪除嘩, 金龍酒樓有六層咁多, 未要有好多生意先維到皮? 而家一間酒樓, 兩層, 已經叫大.
回覆刪除[版主回覆10/15/2009 22:47:00]麻瓜 您好!
有三段回應,我一齊回覆您, 1) "豫 苑"是現在的建築物,
2) 金龍酒樓係七十餘年前落成,創辦人已心力交瘁,
可惜後繼無人,但是酒樓牌照仍然保留,轉手經營者眾,
3)金龍酒樓 七十年代在中環係高級食府,所有"達官貴人"
"名流紳士",夜夜笙歌,座無虛席,稼娶喜慶,炮竹宣天,
{請留意頂樓天台,有一座吊機,用作每晚在宴前,放炮竹}
呢隻歌啱晒聽
回覆刪除[版主回覆10/15/2009 22:53:00]老jack 您好!
歌星 許冠傑,正是我的(粉絲),又是....鄉里,
原來前輩是街坊。介紹非常清楚。我小時都常去「經濟」飲茶食大飽。我記得「經濟」是一間大檔，有橫樑，橫樑上有吊扇，好像新界的村屋一樣。太平山街尾是觀音堂。伊利近街叫「泥街」，可能冇乜人知了。前輩所有的網誌，早早已全部拜讀了。謝謝﹗
回覆刪除[版主回覆10/15/2009 23:16:00]上環 大笪地有"經濟飯店",還有 占.卜.星.相,
照相舘,理髮室,重有 琴.棋.詩.畫, 係華人消閒好地方,
關於 [泥街]唔算老土, 還有...二奶巷,狗孖零,竹樹棵,
師姑街,雀仔橋,打冷巷,蘇杭街,花布街,等!
「公利真料竹蔗水」～ 以下有人介紹，有晒資料：
回覆刪除http://hkdeepc.blogspot.com/2008/02/blog-post_18.html
[版主回覆10/15/2009 23:30:00]solarman 您好!
{大蕃薯}聲明係"忘記了", 多謝有好介紹,
大蕃薯
回覆刪除您放心啦！我由開始睇您寫的網誌，已經有時間就會到此一遊，只是我對港島區太過陌生，沒有留言咋！
[版主回覆10/15/2009 23:41:00]潔 沁
恭喜 韓國觀光遊,回來還有假期,
可以相約三兩好友,港島一日遊!
{大蕃薯}做義工導遊, (包食唔留宿)
大蕃薯
回覆刪除好多謝您對我的特別優待，不過我比較鍾意同您行郊野多D喎！因為市區空氣實在太差啦！會令我氣管敏感加倍嚴重 ，可能去完韓國氣管會更加敏感都唔定，希望有命返香港啦
[版主回覆10/16/2009 14:18:00]2分鐘前
潔沁 您好!
新界北區真係居住環保好,交通方便,空氣清雅,
秋季我已開始"行山樂",是由"長者中心"帶領,
只有每月一次,大約在下旬舉行,嘗試預您參加!!
我也是在這一帶長大的！
回覆刪除[版主回覆10/16/2009 14:28:00]KC 您好!
超伯 曾經介紹,鴨巴甸街.光漢台,是您的慈母娘家,
亦是卅間一帶的(大家姐), 非常光彩!! 感謝捧場!
講開公利真料竹蔗水，大馬路雀仔橋對面附近有檔賣紅綠豆沙，行過小小近高陞戲院有檔賣葛菜水，好似搬左去灣仔。高陞戲院隔離是「武昌酒樓」真係差不多忘記了。
回覆刪除[版主回覆10/16/2009 10:34:00]Montrekker 早晨!
[武昌酒樓] 您仍記憶猶新, 證明您是"老香港",
應該是中年人啦!!
uncle大蕃薯~
回覆刪除多謝回覆！另今日睇新聞，有一位uncle，通過红十字會，尋找戰時失散的兩位弟弟~希望盡快相認！
[版主回覆10/16/2009 18:51:00]andy 您好!
{大蕃薯}非常感謝關愛, 我已尋回親弟"華仔",
不幸相認團聚,祗有二十八天,"華仔"急病離世!
(在網誌分類"尋弟篇"有記載)
大蕃薯前輩
回覆刪除不用客氣!有時忙裹偷閑，到訪贵Blog時間中在回覆中擺烏籠 ，請見諒！
[版主回覆10/17/2009 22:02:00]{大蕃薯} 正想發問, 何解您會搵到"東樂戲院"詢問我??
盡我所能,已經回覆啦!!
新舊照對比令人看得更有趣味。
回覆刪除[版主回覆11/07/2009 17:50:00]skpoon 您好!
往事只能回味, 在香港生活數十年, 值得懷舊!
伯伯，疫病化驗所已改建為「醫學博物館」
回覆刪除[版主回覆11/07/2009 17:57:00] 細魚 您好!
最近在網上知道您帶住"寶貝囡"曾經遊覽,
我童年時代,是在斜坡已有告示:(嚴禁進入),
The gold and silver more adds a discipline and more add shining, the life more adds a test, the life more adds shining glory. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
回覆刪除