經過四個星期的煩憂, 皆因好友的幫忙, 為我加入..(防毒軟件), 事隔
兩天打開網誌, 不能正常操作, 我不敢詢問好友原因, 祗好搵電腦技
師維修, 犀利喇!! 上門交通費 $150. 檢查維修費 $200. 將部電腦主機,
煎皮拆骨,搗足三小時, 才對我講, 呢部電腦起碼用咗六. 七年, 又係
翻版貨, 冇得醫, 建議我換一部(全新)主機, 佢有現貨, $2000. 保用一年,
我心大心細, 冇答應, 佢就收拾工具, 電腦唔可以寫網誌, 咁就找數
$350. 跟住....(送客)
今日出門遇見鄰居一位青年, 照例點頭打個招呼, 在路上談話, 有講
有笑, 提到關於電腦一事, 他可能了解困難所在, 便說晚飯後替我檢查
電腦, 唏!! [大蕃薯] 出門遇貴人啦! 青年人到來, 首先問我, 呢部電腦
係唔係翻版, 因為青年人想從頭裝設, 我話唔知是否翻版, 係兒子給
我的舊電腦, 就算搗毀了, 請不要自責, 我都準備換電腦, 他明白意思,
就開始一一細心檢查, 啊!! 哈哈!! 發覺已經正常開啟啦!! 連聲感謝!!
青年人解釋....我的電腦裝置(防毒軟件), 將一些設定刪除, 現在上網
恢復正常啦, [大蕃薯] 睦鄰遇上好心人, 再說 : "我要笑著活下去",
(註明 : 我已經回流返港定居, 各位老友記多多指導,)
大蕃薯
回覆刪除好開心你又可以寫網誌，我一直以為你不想寫，原來是電腦有問題，現在可以繼續與網友交流及溝通了。 今次我是第一個留言的人真高興！
潔沁 : 早晨呀! 多謝支持我,
回覆刪除{大蕃薯}因為壞(腦),變成"啞巴",
有老友講,就冇我講,醫好電腦啦!
感謝 鄰居青年人,而家好開心喇!!
你好~係呀..電腦真係好麻煩@@ 我都唔識架....
回覆刪除[版主回覆07/09/2009 11:21:00]我的朋友說 : 千祈唔好相信(街招廣告), $80.維修,
如果家居附近有(長者中心),搵機會結識義工朋友,
嘗試認識懂得維修電腦的,日後有困難,找他幫助,
蕃薯叔叔,我住依度的鄰居會當你殺父仇人,好惡架! 你就好啦!!
回覆刪除[版主回覆07/14/2009 10:44:00][大蕃薯] 格言 : 首先要令對方接受自己的善意,
就要向您微笑.點頭.說:早晨.您好!!
真是出門遇貴人呀！
回覆刪除[版主回覆07/14/2009 10:30:00][大蕃薯] 在九歲開始,便災難重重,
每次都有"好心人"幫助, 感恩!!
hi ~~你好呀~我叫阿堅,個個叫我肥媽,我加左你做朋友,可以經常入黎接收下你開心既正能量嗎?!
回覆刪除[版主回覆07/14/2009 10:18:00]多謝新朋友到訪, 我會勤奮學習寫"網誌",
[大蕃薯]只有讀到小學三年班, 香港淪陷,
而家臨老至學吹..( D 打 ), 請包容,體諒!!
(Empty)
回覆刪除[版主回覆07/14/2009 10:52:00][大蕃薯] 說句 : "對唔住"john君,
我學識膚淺, 要查(翻譯) 才明白,
超伯忙。今早有空。 遂一探訪好友。老兄回港定居。中心多了一個好邦手。離老友網遠否?。多上老友網。
回覆刪除有緣總有日會面。
[版主回覆07/14/2009 14:54:00]超伯 : 午安!!
愚友 [大蕃薯]現已回流, 居住上水"翠麗花園",
因為{老有網}的首頁改換新版,無法查閱電郵,
知悉兩星期前,有關以上免費課程,仍可報讀,
唉!! 唔識路呀! 梁姑娘告知,(火車轉地鐵A出),
行一條斜路,再搭38小巴,到竹園街市,一直入,
看見東亞銀行,望去對面,睇見喇!! 索晒氣!!!
蕃薯叔叔 我都一連睇左幾篇童年回憶網誌,你既經歷很震撼,如果係我,一定無勇氣面對親人離世 戰爭令人恐懼,比著我令願去死! 你好有活力,繼續寫寫寫....做做做.....永不言休!
回覆刪除[版主回覆07/15/2009 18:09:00][大蕃薯] 認為"求生"是有盼望!!
認為"求死"是要逃避!!
兄台
回覆刪除電腦維修員。需要養妻活兒。
一百點夠皮。明白。
不要大事鞭撻
[版主回覆07/16/2009 10:08:00]超 伯 : 早晨呀!!
我當然明白電腦維修員, 是跟隨市場消費定價,
但是佢好似"大笪地D江湖佬賣(跌打丸)"賣完
單料,再賣(雙料跌打膏藥), 隨非"洗濕個頭"啦!
再講佢搵兩餐,養妻活兒(應該),如果將1/2拎去
XX投注站,咁就妻兒唔知點喇! 以後我唔鞭撻啦!!
我覺得, 香港人, 其實有好多都好熱心的, 只是, 城市人嘛, 習慣先防人不仁, 如果自己肯做主動跟鄰居打招呼, 有些鄰居, 其實好好傾, 也好好人的.
回覆刪除[版主回覆08/11/2009 15:05:00]和諧鄰里,並非難做的事,祗要自己能先踏出第一步,
早上見面時,說聲(早晨), 午後遇見, 點頭講句(您好),
希望不要劃分成..{香港人}.{國內人}.{城市人}.{新移民},