行行出狀元!! 處處有生機!!
五十年代, 小童要理髮, 阿媽俾兩毫子,
去冷巷口排隊, 坐樈仔睇公仔書, 等候
剃頭, 我排第三個, 好快就輪到我啦!
阿叔問: 細路要剪乜嘢裝呀! 有花旗裝,
陸軍裝, 紅毛裝, 和尚頭, B B裝, 我話:
要剃光頭, 戰前理髮師, 都係呌剃頭佬,
和平後, 有上海理髮廳, 理髮技術一流,
老闆一聲: 有客人歡迎光臨, 理髪師立
即上前招呼, 右手遞毛巾, 左手遞香煙,
理髮全套...剪髮.洗頭.剃鬚.採耳.吹波,
都係收一蚊七毫咋!理髮師(暗語),
剃頭佬....係呌"摩頂友"
洗 頭.... = = "槳 草"
剃 鬚.... = = "捉 蟻"
採 耳.... = = "打 雀"
吹 波.... = = "噴 草"
重有理髮師制服編號由 1---10.唔記得,
(如果網友知悉的,敬請賜教, 薄金酬謝!! )
午安天氣轉涼穿多件衣
回覆刪除[版主回覆04/26/2009 13:08:00]黃色巴士: 感謝初到探訪,
如有閑暇,懇請瀏覽..網誌
http://hk.myblog.yahoo.com/sum_poom/
共有36篇..[淪陷時期,童年回憶,]謝謝!
yellow bus.係 關愛寵物的,
有正義勇敢的好心人!!
請問而家仲有邊間有採耳呢？
回覆刪除[版主回覆05/04/2009 10:15:00]時代改變,理髮"採耳",
可能已經失傳,"打雀",
年青人鍾意去[髪型屋],肯定冇,
觀塘物華街,附近冷巷口,應該
重有開檔,嘗試問吓有冇"採耳",
{祝您好運} 多謝探訪!!
謝謝告知！
回覆刪除觀塘物華街,附近冷巷口,應該
回覆刪除重有開檔,嘗試問吓有冇"採耳"
白天有開檔，在長春藥行旁邊冷巷，採耳就無喇。
[版主回覆08/13/2009 09:27:00]郭大路 : 早晨! 早晨!!
您是否居住觀塘區, 或者係揸車經過??
前輩猜對了，大路自60年遷居在觀塘，直至現在。
回覆刪除[版主回覆08/14/2009 11:13:00]雞寮山泥傾瀉, 即...翠屏邨, 當年死傷甚眾, 記憶猶新!!
聞說戰時的亂葬岡(日軍所為)都已建成高樓大厦或屋苑，人氣聚居，枉死的魂魄也會安息了。
回覆刪除前輩說起摩頂，令我想起每月都收到事頭的飛髮錢。
[版主回覆08/14/2009 10:59:00]和平後, 許多華商老闆, 每月都會發給
員工一蚊, 係飛髮同買木屐,
百萬軍中無白旗(一)，夫子無人問仲尼(二)，
回覆刪除霸王失去擎天柱(三)，罵到將軍冇馬騎(四)，
吾今不用多開口(五)，滾滾江河脫水衣(六)，
皂子常時掛了白(七)，分瓜不用把刀持(八)，
丸中失去靈丹藥(九)，千里送君終一離(十)。