淪陷時期,童年回憶,(十三)

關於昨日講到冒險騙取白米, 為了微薄的報酬, 任人擺佈犯罪,

幕後人要我, 每次領取白米後, 馬上化妝換衣服, 再去第二次,

一個上午要去四至五次, 由配給站經"東閘", 行去太沽街交回

白米, 下午停止領取白米, 因為每天午飯後, 日軍經常會巡邏,

每日早上七點開始, 行路去西灣河, 八點到達太沽街, 有一碗

白粥充飢, 就要準備工作喇!! 待遇有午餐, 工資五蚊軍票, 忙記

經過多少日子, 最終幕後人知道, 我被便衣日軍根踪, 暫停工作,

我要生活, 家中有方型玻璃瓶, 可以用來賣"薑汁糖", 春園街有

"薑汁糖"批發店, 五蚊軍票有120粒, 我賣一毫兩粒, 如果賣晒,

可以赚得一蚊, 有時能夠賣240粒, 好開心自己做老板, 邊度人多

就去賣, 最好係...(鵝頸街市),(軒尼斯道),(鐸也)=海軍船塢,(海皮)

=干諾道中, (三角碼頭),(修頓球場), 沿途呌賣 "薑汁糖"一毫兩粒,

         (大蕃薯)做老細喇!!!!  哈!!  哈!!     明天再續,         晚安,

                                       (請繼續點擊上一篇)謝謝!!