淪陷時期,童年回憶,(九)

早上起來, 二哥帶著我去灣仔道, "國泰戲院"橫門, 許多人在等待做苦工,

到咗七點鐘, 有工頭開始登記人名, 用大卡車送去北角"筆架山", 斬松樹,

掘戰壕, 由朝到晚冇伙食, 要自己帶備糧食清水, 每日有兩蚊軍票, 白米

半斤, 有日軍監管各人的工作, 下午六點鐘收工, 好辛苦, 做咗十幾日咋,

二哥揾倒一份新工作, 在中環"香港大酒店"做侍應生, 這裡係日本仔的

"銷金窩", 地址係現在"置地廣場, 二哥的新職業, 有薪金有飯食, 總算得

安定了, 每日我在街上閒逛, 行到大坑道口"聖保祿醫院", 便跟隨別人

入內, 等候病人食剩的菜飯, 工人收回洗碗房, 我便窺見無人, 馬上取去

"菜飯", 躲在門後面, 急急狼舌虎嚥, 經過幾日後, 慘喇!! 兩名修女發現,

大聲呼叫, 其他人都知道, 立即通知日兵到來, 指定我係(賊), 將我綑綁,

要拉我去殺頭, 我大喊求情又跪又拜, 都無助喇!!    明日再續,     晚安,

                                    (請繼續點擊上一篇)謝謝!!